மீண்டும் மீண்டும்

மிகக் கவனமாகப் புள்ளிவைத்து
இழைத்துக் கோலமிட்டு முடிந்தவுடன்
தண்ணீரை வாரி இரைத்து அழித்தாலும்
மீண்டும் புள்ளிகளிட்டுத்தொடர்வதும்

பின்னல் வேலைப்பாட்டைச் செய்து முடித்தவுடன்
மிக முக்கியமான ஒற்றை இழையைப்பிடித்து
உருவி ஒன்றுமில்லாமல் ஆக்கினாலும்
மீண்டும் பின்ன ஆரம்பிப்பதும்

எனக்குச் சாத்தியமான ஒன்று என்பதால்தான்
நீ அழித்து நொருக்கிய என்னையும்
முன்பை விட உறுதியாக
உருவாக்கிக் கொண்டு இருக்கிறேன்.

சுநந்தா